ОХУ-д эрүүл мэндийн байгуулагын гурван ажилтан эмнэлгийн цонхоор унасан явдал болжээ.

Сүүлийн хоёр долоо хоногийн хугацаанд ОХУ-д эмнэлгийн цонхоор гурван ажилтан унасан нь коронавирусийн тахлын үед эмч, эмнэлгийн мэргэжилтнүүдийн ажиллах нөхцөлд анхаарах хэрэгтэйг сануулж байна.

Эдгээр гурван хүний хоёр нь нас барж, нэг нь эмнэлэгт хэвтэн эмчлүүлж байгаа юм. Үүнд:

1. Москва хотоос өмнө зүгт орших Воронеж хотын түргэн тусламжийн эмч Александр Шулепов өнгөрсөн бямба гарагт эмнэлгийн цонхноос унаж, хүнд байдалтай байгаа юм. Тухайн эмч коронавирусийн халдвар авсан бөгөөд эмчилгээ хийлгэж байжээ.
2. Өнгөрсөн баасан гарагт Сибирийн Красноярск хотын эмнэлгийн ахлах эмч Елена Непомнящаяа долоо хоног эрчимт эмчилгээнд байсны дараа таалал төгссөн талаар Эрүүл мэндийн яамны бүс нутгийн хэлтсээс мэдэгдэв. Мөн тэрээр эмнэлгийн эрчимт эмчилгээний цонхоор унажээ.
3. Дөрөвдүгээр сарын 24-ний өдөр Орос улсын сансрын нисгэгчдэд зориулсан сургалтын төв бааз болох Оддын хотын түргэн тусламжийн албаны дарга Наталья Лебедева цонхоор унасныхаа дараа эмнэлэгт нас барав. Одоог хүртэл тус эмнэлгээс түүнийг нас барсан гэх мэдэгдэл гаргаагүй гэнэ.

CNN-ийн сурвалжлах баг тус гурван эмнэлгээс тодруулга авахаар хүсэлт илгээсэн ч одоог хүртэл хариу ирээгүй талаар дурьджээ.

Эх сурвалж: CNN