Латин Америкийн агаарын тээврийн хоёрдогч том тоглогч болох Avianca Holdings бондын зээлээ төлж чадаагүйн улмаас ням гарагт дампуурлаа зарлалаа.

Хэрэв тус холдинг дампуурлаасаа гарч чадахгүй бол цар тахлын улмаас дампуурсан хамгийн анхны, томоохон агаарын тээврийн бизнес болно.

Avianca гуравдугаар сарын сүүлээс эхлэн тогтмол нислэг үйлдээгүй бөгөөд хямралын нөлөөгөөр 20 мянган ажилтны дийлэнх нь орлогогүй болсон юм.

Тус компанийн гүйцэтгэх захирад Аnko van der Werff: “Avianca зуун жилийн түүхэн дэх хамгийн эгзэгчтэй цаг мөч, сорилттой нүүр тулаад байна” хэмээсэн юм.

Avianca нь тив дамнан нислэг үйлддэг KLM-ийн дараах дэлхийн ууган агаарын тээврийн компани бөгөөд 2019 оны байдлаар 7.3 тэрбум ам. долларын өртэй байжээ.

Эх сурвалж: reuters.com