ОХУ-ын ерөнхийлөгч В.Путиний хэвлэлийн төлөөлөгч Дмитрий Песков коронавирусийн шинжилгээнийх нь хариу эерэг гарсан талаар өчигдөр буюу мягмар гарагт олон нийтэд мэдээлсэн юм.

ОХУ-ын TASS  мэдээллийн агентлагийн мэдээлснээр Песков коронавирусийн халдвар авсан төрийн тав дахь дээд албан хаагч болж буй бөгөөд Путинтэй сарын өмнө уулзсан байна.

Песковийн эхнэр Татяна Навка мөн халдвар авсан талаар инстаграм хуудсаараа мэдээлжээ.

Харин Путиний хувьд Москва хотоос гадуур байх харшдаа амьдарч байгаа бөгөөд алсаас ажиллаж байгаа аж. Тэрээр даваа гарагт 6 долоо хоног үргэлжилсэн хөл хориог аажмаар суллах шийдвэр гаргаж олон хүнийг цочирдуулсан билээ.

ОХУ-д 232,243 тохиолдол бүртгэгдэж халдварын тоогоороо дэлхийд АНУ болон Испанийн дараа гуравдугаарт жагсаж байна.

Эх сурвалж: MOSCOW (Reuters)