Орос улсад коронавирусийн байдал тогтворжиж байгаа талаар ДЭМБ-ын ОХУ-д суугаа төлөөлөгч Мелита Вуйнович Лхагва гарагт мэдэгдлээ.

Тэрээр энэ мэдэгдэлдээ "Халдварын тархалт буурсан хэдий ч коронавирусийнн шинээр бүртгэгдэж буй тохиолдлын тоог бууруулахын тулд хүчин чармайлт гаргах хэрэгтэй. Нийт улсын хэмжээнд вирусийн нөхцөл байдал харьцангуй тогтворжсон. Учир нь ОХУ-ын 13 бүс нутагт л халдварын дэгдэлт эрчтэй байна. Харин бусад хэсэгт байдал хэвийн" гэж хэлжээ.

Тиймээс мэргэжилтнүүд 13 бүс нутагт цар тахлыг таслан зогсоох ажиллагааг хэрэгжүүлж, улсын бусад хэсгүүдэд урьдчилан сэргийлэх хатуу арга хэмжээг хийх шаардлагатай аж.