АНУ-д бүртгэгдсэн коронавирусийн нийт тохиолдол, нас баралтын тоо нь дэлхийд тэргүүлж, тус улс тахлын голомт болоод байна. Тус улсад нийт 1'706'226 тохиолдол, 99'805 нас баралт бүртгэгджээ. 

Сүүлийн 14 хоногийн хугацаанд тус улсын зарим мужуудад хөл хорионы дэглэмийг цуцласан. Ялангуяа жил бүрийн тавдугаар сард болдог дурсгалын өдрийг энэ жил тавдугаар сарын 25-нд тэмдэглэж, бүх нийтийн амралтын өдөр болгосон юм. 

Энэ үеэр иргэд далайн эрэг, амралтын газар, цэцэрлэгт хүрээлэн зэрэгт олноор цугларч буй нь дэлхий нийтэд шуугиан тариад байна. 

Ийнхүү Америкт нэг хэсэг нь үхэлтэй тэмцэж, нөгөө хэсэг нь баярлан зугаацсан харьцангуй байдал бий болоод буй.