Конго гаралтай дизайнер Anifa Mvuemba коронавирусийн хөл хорионы үеэр загварын коллекцоо виртуал модель ашиглан амилуулжээ.

Тэрээр Hanifa нэртэй хувцасны брэндийн шинэ коллекцио инстаграмын шууд дамжуулалтаар танилцуулжээ. Шоуны үеэр толгойгүй, 3D дижитал моделиуд дизайнерын урласан хувцсыг яг л жинхэнэ хүн өмссөн мэт уян налархай алхаж тайзнаа үзүүлсэн байна.

Mvuemba-ийн өмнөх загваруудыг рэппер Cardi B зэрэг одод амилуулж байсан бол Covid-19 дэгдэхээс өмнө дижитал загварын шоугаараа дэлхийг байлдан дагуулах төлөвлөж байжээ. Тэрээр загварын сэтгүүлд өгсөн ярилцлагадаа компьютер график ашиглан хийсэн моделиудаа бүтээхийн тулд 7 сарын хугацааг зарцуулсан байна. “3D моделийг ашиглан дизайн гаргах нь миний хувьд тоглоомын дүрмийг өөрчилсөн үзэгдэл боллоо. 

Модельд яв цав тохирсон хувцас урлах нь нь маш нарийн мэдрэмж, анхаарал шаарддаг юм байна.” гэжээ. Виртуал моделиуд зохион бүтээж, загварын салбарт шинэ технологийг нэвтрүүлсэн нь  цоо шинэ үзэгдэл болж, энэ салбарын хөгжлийн чиг хандлагыг тодорхойлжээ. Тэрээр загвар бүрдээ төв Африк, Конго улсынхаа хэв маяг, онцлогийг шингээсэн ажээ.

Эх сурвалж: cnn.com