Өнгөрсөн долоо хоногт АНУ-ын Minnesota мужийн Minneapolis хотод цагдаагийн ажилтны гарт амиа алдсан өнгөт арьст иргэн George Floyd-ын үхэл АНУ-ын ард иргэдийг жагсаал тэмцэлд хүргээд буй. 

Уг асуудалд АНУ-ын томоохон компаниуд ч өөрсдийн байр суурийг илэрхийлж дуу хоолойгоо нэгтгээд байна. Тодруулбал Facebook, Snapchat компаний үүсгэн байгуулагч нар арьс өнгөний үзлийн эсрэг хүчтэй байр суурьтай байгаагаа илэрхийлжээ.

 “Facebook” компаний үүсгэн байгуулагч Mark Zuckerberg: Гарал үүслээс хамааралгүй, иргэн бүр тэгш эрхтэй. Бид өнгөт арьст ажилтнуудаа дэмждэг. Тиймдээ ч шударга ёсны төлөө тэмцэж буй олон нийтийн талд байна” хэмээжээ. 

Түүнчлэн Intel Corp, Netflix, Nike зэрэг компаниуд арьс өнгөний үзлийн эсрэг байр сууриа илэрхийлээд байсан юм. 

Эх сурвалж: Reuters