АНУ-ын Кентакки мужийн Луисвилл хотод байрлах “YaYa’s BBQ” рестораны эзэн 53 настай McAtee нь цагдаагийн ажилчдад үнэгүй хоолоор үйлчилдэг байсан ба өнгөрсөн Даваа гарагт үймээний үеэр тусгай албаныханд буудуулан амиа алджээ.

Тус хотын захиргаанаас мэдэгдснээр жагсаал хэрээс хэтэрч Онцгой байдлынхан гал нээх үед McAtee суманд өртөн амиа алдсан байна.  

Түүний цогцос хотын гудманд бүтэн 12 цагийн турш байсанд иргэд бухимдаж цагдаагийн ажилтнаас дүрс бичлэгэн нотолгоо шаардан цаашдаа цагдаа нарт итгэхгүй хэмээн мэдэгджээ.  

Харин Цагдаагийн ажилтны зүгээс “Гал нээсэн ажилтны бие дэх камер нь ажиллаагүй байсан ба иргэд бидний ажилд итгэх эсэх хамаагүй.” хэмээн тайлбар өгсөн байна.

McAtee –ын үхэл АНУ даяар хурцадмал байдал даамжирч, гэмгүй иргэд хохирох болсны нэг жишээ юм.