Цар тахлын улмаас гурван сарын турш үйл ажиллагаагаа зогсоосон европын зарим дүрслэх урлагийн музей үүдээ нээлээ. Гэвч үйл ажиллагаандаа багахан өөрчлөлт оруулсан байна. Тухайлбал, ихэнх музей, галерей зочлох хүмүүсийн тоонд хязгаар тогтоож, үе үе цэвэрлэгээ, ариутгал хийж, тасалбараа цахимаар зарахаар болжээ.

Жирийн үед Амстердамын алдарт Рижкс музей гэхэд өдөрт 12,000 хүн хүлээж авдаг аж.

Энэ 7 хоногоос өдөрт хүлээн авах хүний тоог 2000 болгож хязгаар тогтоожээ. Тус музейн захирал Тако Диббитс “Дэлхий нийт хүнд цаг үеийг туулж буй энэ үед цөөхөн ч гэсэн хүмүүсийг хүлээж авч байгаадаа баяртай байна.” гэжээ. Бид жирийн үеийн ажилладаг цагаа баримтална. Жуулчид цөөн байх ч, маскаа зүүж хоорондоо 1.5 метрийн зай барих журмаа мөрдүүлнэ.” гэж удирдлагууд нь хэллээ.

Түүнчлэн Амстердам дахь Ван Гогын музей, Рембрандтын гэр музей энэ сард үйл ажиллагаагаа явуулах төлөвлөж байгаа талаар мэдэгдэв.

Үйл ажиллагаагаа нээх урлаг соёлын байгууллагад архитектур Фрэнк Геригийн зохион бүтээсэн Гуггенхеймийн музей (Испани), таазыг нь алдарт Микеланжело зурсан Систин Шапел (Ром), Ватиканы музей, Луизиана (Дани) багтаж байна.

Хэдий зарим хүмүүст урьдчилан захиалахгүйгээр очих хэцүү ч, Европчуудын хувьд энэ оюун санаагаа мялааж, мэлмийгээ баярлуулах завшаан тохиож байна.

Бэлтгэсэн: Н.Анударь

Эх сурвалж: BBC