АНУ, Хятадын хоорондох эдийн засгийн хурцадмал байдлаас болж энэ сарын 16-ны өдрөөс эхлэн Хятадаас ирэх бүх нислэгт хориг тавихаар хэлэлцжээ.

Сүүлийн үед тус хоёр улс коронавирусээс гадна Хонконгийн асуудлаар зөрчилдөөнтэй байгаа билээ.

АНУ-ын Тээврийн хэлтсээс “Халдварын тархалт буурч байгаатай холбогдуулан АНУ Хятад руу нислэгээ сэргээх хүсэлт тавьсан ч татгалзсан тул хариу хориг тавих талаар хэлэлцэж байна” гэж мэдэгдэв.  

Энэхүү мэдэгдлээс өмнө хоёр улсын хооронд цөөн нислэг үйлдэж байсан “Air China”, “China Eastern Airlines”, “China Southern Airlines” болон “Hainan Airlines”-ын нислэгийг зогсоохоор болжээ. Гэвч эцсийн шийдвэрийг ерөнхийлөгч Доналд Трамп гаргах юм.

Хятадын татгалзсан шалтгаан нь 1980 онд хоёр улсын хооронд байгуулсан нислэгийн талаарх гэрээг зөрчсөн гэж үзсэнтэй холбоотой юм.

Бэлтгэсэн: Н. Анударь

Эх сурвалж: BBC