Хятадын Засгийг газраас хот төлөвлөлтийн ажилтнууд  болон архитектурчдад 500 метрээс өндөр барилга байгууламж бүтээхийг хоригложээ.

Нэг нэгнээ дуурайсан, хэт өндөр олон зуун шилэн барилгуудаас зайлсхийхийн тулд тус шийдвэрийг гаргасан хэмээн Хятадын Үндэсний бүтээн байгуулалт, шинэчлэлийн газраас мэдээлсэн байна.

Хятадын хотуудад “шинэ эрин”-г бүтээх энэхүү санаа нь барилга бүтээн байгуулалтуудад үндэсний хэв маяг, онцлогийг түлхүү гаргах зорилготой аж.  

Энэхүү шийдвэр нь Хятадын нийслэл Бээжин зэрэг томоохон хотуудад аль хэдийн хэрэгжээд эхэлсэн ба “хэт том, туйлширсан, эв хавгүй” барилгууддаа ийнхүү цэг тавьж байна.