Япон улсын үндэсний "NHK" телевизээс хийсэн бичлэг нь хүмүүст тайлбар олгох гэхээсээ Африк гаралтай Америкчуудыг доромжилсон үйлдэл болж хувирав. Өнгөрсөн ням гарагийн үдэш цацсан бичлэгтээ албан ёсоор уучлал гуйсан байна.

80 секундийн хөдөлгөөнт бичлэгт булчинлаг хар арьст залуу нийгмийн тэгш бус байдал, коронавирусын нөлөөний талаар ярьж байв. Сошиал хэрэглэгчид жагсаалын гол утга учрыг гаргаж чадаагүй бичлэгийн талаар ам уралдан бичицгээж зарим нь жагсах талаар бичжээ.  

АНУ-аас Японд суугаа элчин сайд Жозеф Ёонг твиттер хуудаснаа “АНУ-д өрнөж буй нөхцөл байдлыг хүргэх гэсэн NHK телевизийн санааг ойлгож байгаа ч, үүндээ сэтгэл гаргалгүй судалгаа муутай хандсанд харамсалтай байна.” гэжээ.

Эх сурвалж: Japan Times