Маяа Петек гэх Словени уран бүтээлч цаасыг дахин боловсруулж гэрийн тавилга хийдэг байна. Тухайлбал, түүний цаасаар хийсэн аяга, гэрлийн бүрхүүл нь цахим орчинд олон хүний анхаарлыг татаж буй. Papier-mâché буюу цаасан зуурмагаар голдуу хийдэг бөгөөд түүнийгээ хэвэнд цутгаж хийдгээрээ онцлог. Түүний гэрлийн бүрхүүл хэрхэн бүтдэг талаар сонирхъё.

1. Ойр хавийн сургуулиудаас цуглуулсан цаасаа урж жижиглэнэ.

2. Бүлээн усанд тавьж хонуулна.

3. Зуурмаг болтол нь миксердэн, усыг нь шахна.

4. Ямар загвараар хийж байгаагаас хамааран товч юмуу далайн шил гэх мэт төрөл бүрийн зүйлээр чимэглэнэ.  

5. Хэлбэрт оруулахын тулд бөмбөг юмуу модон хэв ашигладаг байна.

6. Цаасан зуурмаг бэлэн болмогц өнгөлнө.

7. Усанд тэсвэртэй болгохын тулд модны цавуугаар будаж тогтооно.

Аюулгүй байдлын үүднээс лед гэрэл хэрэглэдэг аж. 

Эх сурвалж: Insider