Өчигдөр буюу пүрэв гарагт Твиттер компани COVID-19-тэй ташаа мэдээлэл түгээсэн болон, Хонконгийн улс төрийн тэмцлийн талаар болон бусад асуудлаар Хятадын төрийн суртал ухуулга хийсэн 170 мянган хаягийг устсанаа мэдэгдлээ.

Твиттер компанийн тайлбарлаж буйгаар 25 мянга гаруй хаягийг “төв сүлжээнээс” устгасан гэж мэдэгдэж буй бол 150 мянган хаягийн жиргээг төв сүлжээнээс агуулгын шүүлтүүрээр орж байх аж.

“Хятадын коммунист намын гэлтгүй худал хуурмаг, тархи угаасан суртал ухуулгыг түгээхээс сэргийлж ажиллах нь бидний үүрэг” гэж мэдэгдсэн юм.

Хуурамч хаягуудын талаар Stanford Internet Observatory (SIO) судалгааны байгууллагын мэдээлснээр COVID-19 анх дэгдэж бэхэлсэн үе буюу нэгдүгээр сарын сүүлээс эхлэн цар тахлын талаар жиргэсэн хаягуудыг устгаж эхэлсэн ба гуравдугаар сарын сүүлээр хамгийн олон хаягийг хаасан гэлээ.

Тус хаягууд түлхүү COVID-19-ын хямралын эсрэг БНХАУ-ын арга авч хэрэгжүүлж буй арга хэмжээг сайшааж байжээ. (SIO)-ын үзэж буйгаар ихэнх хаяг 10-аас доош дагагчидтай төдийгүй, намтар хэсэг дээр ямар нэгэн тайлбаргүй байсан бөгөөд хаалгахаасаа өмнө ойролцоогоор 350 мянган удаа жиргэсэн байна.

АНУ, Тайвань, Хонконгчуудын эсрэг хятад болон англи хэлээр сөрөг ухуулга хийж байжээ.

Түүнчлэн өчигдөр ОХУ-ын төрийн сурталчилгаа хийж буй 1000 гаруй хаяг, Туркийн ерөнхийлөгч Recep Tayyip Erdoğan болон түүний намын суртал ухуулгыг хийж байсан 7,3 мянган хаягийн бүртгэлийг устгасан байна.

Эх сурвалж: Thehill.com