Энэтхэг улсын дотоод хэргийн яамны сайд Амит Шах нөхцөл байдал хяналтаас гарч байгаатай холбогдуулан хэд хэдэн арга хэмжээ авахаар болов.  

Дели хотноо коронавирусийн халдварын тархалт хяналтаас гарч байгаа байгаа учир найман мянган өвчтөнийг тусгаарлах зорилгоор нэмж 500 галт тэрэг ашиглана. Мөн 40 зочид буудал, 77 хүлээлгийн танхимыг түр хугацаанд эмнэлгийн зориулалтаар ашиглана гэжээ.

Тус улсад өдөрт дунджаар халдварын 12 мянган тохиолдол бүртгэгдэж байгаа бөгөөд нийт 320,922 тохиолдолтойгоор АНУ, Бразил, ОХУ-ын дараа орж байна.  

Улсын болон хувийн эмнэлгүүдэд 9,698 өвчтөн тусгаарлагдан эмчлүүлж байгаа аж.  

Гуравдугаар сарын 25-нд тогтоосон хөл хориог өнгөрсөн сард цуцалсан нь нийтийн тээврээр зорчигсдын тоог нэмэгдүүлэн халдвар дахин тархах үндэс болжээ. 

Эх сурвалж: BBC