Бид эрч хүчээ сэргээхээр кофе уудаг шүү дээ. Харин бидний уудаг нэг аяга кофе гэхэд л ихээхэн хэмжээний хог хаягдал үүсгэж байдаг.

Тэгвэл Их Британийн “Bio-bean” компани жилд долоон мянган тонн кофег дахин боловсруулж био түлш үйлдвэрлэдэг. Кофенд байдаг тос нь модноос ч хурдан ноцдог болох нь тогтоогдсон. Уг түлшийг Лондон дахь дизель автобусанд ашигладаг байна.

2013 онд байгуулагдсан тус компани цаашид зах зээлээ өргөжүүлэн аж үйлдвэрийн салбарт ашиглагдах түлш хийхээр болжээ.

Хэрэв нүүрсний оронд энэхүү био-түлшийг ашиглавал дахин боловсруулах явцад ялгардаг утааг 80%-иар бууруулж болно гэсэн тооцоо гаргажээ.  

Дэлхий даяар хүмүүс өдөрт хоёр тэрбум аяга кофе ууж, түүнээс зургаан сая тонн хаягдал шаар бий болдог. Муудаж ялзарсан хаягдал шаар хүлэмжийн хий ялгаруулж, дэлхийн дулааралд ч нөлөөлдөг байна. 

Эх сурвалж: CNN