АНУ-ын дуучин, жүжигчин Barbra Streisand нь George Floyd-ын охин Gianna Floyd-д уран бүтээлийн цомгоо бэлэглэхийн сацуу Дисней компанийн хувьцааг бэлэглэжээ.

Охинд ямар хэмжээний хувьцаа бэлэглэсэн нь одоогоор тодорхойгүй байна хэмээн CNN агентлагаас мэдээлжээ. Gianna Floyd охин өөрийн инстаграм хуудсандаа бэлгийнхээ зургийг оруулан “Баярлалаа. Би одоо Диснейн хувьцаа эзэмшигч боллоо шүү дээ.” гэж бичсэн байна.

Мөн Техасын Southern University-ээс Gianna Floyd-д 100 хувийн тэтгэлэг бэлэглэсэн ажээ.

Gianna Floyd-ын эцэг George Floyd өнгөрсөн сарын 25-ны өдөр цагдаагийн гарт амиа алдсан явдал нь дэлхий нийтэд арьс өнгөөр ялгаварлах үзлийн эсрэг жагсаал өрнүүлээд байгаа билээ.

Эх сурвалж: Insider