ДЭМБ-аас Хятадад коронавирусийн халдвар дахин дэгдсэнд санаа зовниж буйгаа илэрхийллээ. Өнгөрсөн даваа гарагт ДЭМБ-ын Ерөнхий захирал Тедрос Адханом Гебрейесус хэвлэлийнхэнтэй ярилцахдаа Хятадын нийслэл Бээжин хотын хүнсний захад халдвар дахин дэгдсэн талаар мэдээлжээ.

Уг дэгдэлтээс өмнө Бээжин хотод 50 гаруй хоногийн турш шинэ тохиолдол бүртгэгдээгүй байсан юм. Одоогоор 100 гаруй хүн халдвар авсан нь мэдэгдээд байгаа ч цаашид энэ тоо нэмэгдэх эрсдэлтэй.

ДЭМБ-ын Эрүүл мэндийн онцгой байдлын асуудал хариуцсан дарга Майкл Райан “Бээжин бол хүн ам төвлөрсөн том хот учраас дахин онцгой байдал зарлахад хүргэж магадгүй” гэв.  

Мөн Бээжин дэх ДЭМБ-ийн эпидемиологичид өөр нэгэн эндемик вирусийн талаар судалж байгаа аж. 

Эх сурвалж: NHK