Зимбабве улсын нийслэл Хараре хотод 35 настай Мурозоки гэх эмэгтэй хоол хүнсний хомсдолд орсон буурай иргэдэд зориулж сайн дураараа тэднийг хооллох ажил хийж байна. Тэрээр хоёр хүүхдийн эх, хуульч бүсгүй юм.

Үндэсний баатар

Тус улсад гуравдугаар сард 21 хоногийн хөл хорио тогтоосон байна. Түүнээс хойш 33 өдрийн турш өдөр бүр хоёр мянга гаруй иргэдийг хооллох санаачилгад хүмүүс нэгдсээр томоохон аян болжээ. Мурозоки үүрийн дөрвөн цагаас оройн 7:30 хүртэл хоол хийдэг байна.

Зимбабве улс өлсгөлөнгийн ирмэгт байна

НҮБ-ын Дэлхийн хүнсний хөтөлбөр (WFP)-ийн мэдээлснээр Зимбабвегийн тал гаруй иргэд буюу долоон сая гаруй хүн хоол хүнсний хомсдол, өлсгөлөнд нэрвэгдсэн байна.

Тус байгууллага Ковид-19-ийн цар тахлын улмаас Африкийн орнуудад нүүрлэсэн асуудлаар 19.5 сая ам.долларын хандив цуглуулах уриалга гаргажээ. WFP-ын харилцаа, холбооны захирал Невилл CNN-д өгсөн ярилцлагадаа “Энэ оныг дуустал Зимбабвегийн иргэдэд сар болгон мөнгөн туслалцаа үзүүлнэ” гэв.

Харин тус улсын засгийн газраас ирэх найман сард нэг сая хүнийг хоол хүнсээр хангах нөөцтэй гэж мэдэгджээ.

Хэдий коронавирусийн 391 тохиолдол бүртгэгдсэн ч, эдийн засаг, эрүүл мэндийн салбар гажуудалд орж байгаа нь анхаарлын төв болж байгаа билээ.  

Эх сурвалж: CNN