Өнгөрөгч тавдугаар сарын 4-нд Флорида мужийн ихэнх үйлчилгээний газрууд дахин үйл ажиллагаагаа явуулж эхэлснээс хойш тус мужид коронавирусаар өвчлөгсдийн тоо дөрөв дахин нэмэгджээ.

Зургадугаар сарын 19-нд Флорида мужийн вирусын шинжилгээ өгсөн хүмүүсийн хариуны 14,07 хувь нь эерэг буюу халдвартай гарсан аж. Түүнчлэн нэг өдөрт 819 шинэ тохиолдол илэрсэн нь өмнөх үзүүлэлтээс дөрөв дахин буюу 461 хувиар өссөн тоо юм.

АНУ-д ресторан, олон нийтийн үйлчилгээний төвүүд болон хүн олноор цугларах далайн эргүүд үйл ажиллагаа явуулж эхэлснээс хойш коронавирусын хоёр дахь давалгаа эхэлсэн гэж үзэж байна.