Лондонгийн их сургууль,  “Action on Smoking and Health” (ASH) байгууллагын хийсэн судалгаагаар цар тахлын үеэр буюу сүүлийн дөрвөн сарын турш 1 сая гаруй англи иргэн, тэр дундаа залуус тамхи татдаг зуршлаасаа салсан талаарх статистик гарчээ.

Тодруулбал, 16-29 насныхны тамхинаас гаралт 50-аас дээш насныхантай харьцуулахад хоёр дахин өндөр байжээ. ASH-ийн хэвлэлийн бага хурлын үеэр тамхичдад Covid-19-ийн халдвар тамхи татдаггүй хүнээс илүү хүнд туссан байна.

Учир нь Их Британийн засгийн газар тамхи татдаг хүн, татдаггүй хүнтэй харьцуулахад уушгийг үрэвсүүлдэг Covid-19-ийн халдвар авах өндөр эрсдэлтэй гэж үргэлж сануулж байжээ.

Цаашлаад тус улсын 440 мянга гаруй хүн цар тахлыг боломж болгон ашиглаж тамхинаас гарах гэж оролджээ.

ASH байгууллагын амьсгалын замын өвчлөлийн мэргэжилтэн, доктор Ruth Sharrock: “Тамхичдад бидний өгөх гээд буй мэссеж бол хожим гэж бүү хойшлуул. Та цоо эрүүл эвсэл тамхинаас үүдэх ямар нэгэн өвчний шинж тэмдэгтэй байхаас үл хамаарч яг одоо тамхинаас гарч амьдралдаа өөрчлөлт авчраарай.” гэсэн юм.

Johns Hopkins-ийн их сургуулийн статистикээс үзвэл Их Британи улсад 290 мянган хүн коронавирусийн халдвар авч, 45 мянга гаруй хүн нас барсан байна.

Эх сурвалж: Лондон (CNN)