Саудын Арабын засгийн газар эмэгтэйчүүдийг эрэгтэй хүнээс зөвшөөрөл авахгүйгээр хаант улсын нийслэл Riyadh хот дотроо хүссэн газраа амьдрах, аялах хууль баталсан нь эмэгтэйчүүдийн эрхийг хангасан түүхэн үзэгдэл болов.

Тус улсын хуульч Abdulrahman al-Lahim: “Насанд хүрсэн эмэгтэйчүүд гадуур явахдаа хамтрагчаасаа эсвэл эцгээсээ зөвшөөрөл авахгүй, ганцаараа явах нь шийтгүүлэх хэмжээний гэмт хэрэг биш гэдгийг хүлээн зөвшөөрч, эмэгтэй хүний бие даасан байдлыг хэвийн үзэгдэл гэдгийг хуулийн хүрээнд баталсан түүхэн өдөр тохиож байна. Эмэгтэйчүүдийн эрхийг бүдүүлгээр зөрчиж буйг дуусгавар болгох хууль батлагдаж буйд баяртай байгаа” тухайгаа жиргэжээ.

Тус шинэ хуулиар  өрх тусгаарласан эмэгтэйчүүдийн бие даасан байдлыг хангаж “насанд хүрсэн эмэгтэй хүн хаана амьдрах, хаашаа явахаа хамаарал бүхий этгээдээр бус өөрөө шийдэх эрхтэй” гэж заажээ.

Эх сурвалж. Alarabiya.net