COVID-19 –ийн цар тахал дэгдсэнтэй холбоотой Канад улсын засгийн газар иргэдийнхээ  эрүүл, аюулгүй байдлыг хангаж, хохирол багатай давах шийдвэртэй бодлогуудыг шат дараалан авч хэрэгжүүлж эхэлсэн. Харин өчигдөр хямралаас ангижрах, эдийн засгаа аажмаар сэргээх, өрхийн амьжиргааг дэмжих дараагийн шатны алхмуудыг хэрэгжүүлэх гэж буйгаа танилцууллаа.

Ерөнхий сайдын орлогч, сангийн сайд Chrystia Freeland, Хөдөлмөр, нийгмийн хамгааллын сайд Carla Qualtrough нь ажилчдын даатгалын /EI/ хөтөлбөрт өөрчлөлт оруулж, бүх канадуудын амьжиргааг дэмжих, нэмэлт тэтгэмж үзүүлэх болсноо мэдэгдлээ. Үүний хүрээнд цар тахлаас үүдэн хөдөлмөр эрхлэлтэд саад учирсан иргэдийн орлогын тогтвортой байдлыг хангах үүднээс Улсын аюулгүй байдалд зориулсан тэтгэмжийг (CERB) олгох хугацааг 4 долоо хоногоор сунгаж 28 долоо хоног болгожээ. Ингэснээр эрсдэлт энэ үед 8.5 сая хүн хоногийн хоолтой үлдэж чадсан юм.

Тус улс шинээр дараах 3 төрлийн тэтгэмжийг нэмж баталжээ:

• (CRB) буюу Хямралаас гарах тэтгэмж хөтөлбөрийн хүрээнд Хувиараа хөдөлмөр эрхэлдэг болон нийгмийн даатгалд хамрагдаагүй иргэд, ажил идэвхтэй хайж буй иргэд, цар тахлаас үүдэн орлогоо алдсан иргэд 26 долоо хоногийн хугацаанд долоо хоног бүр 400 канад доллар олгоно.
• Канадын эрүүл мэндийн даатгалын тэтгэмжээр (CRSB) COVID-19-өөр өвчилсөн эсвэл тусгаарлалтад байгаа иргэдэд хоёр долоо хоногийн турд долоо хоногийн 500 канад долларын тэтгэмж олгоно.
• Мөн дараах шалтгаанаар хөдөлмөр эрхлэх боломжгүй болсон иргэдэд 26 долоо хоног хүртэлх хугацаанд долоо хоног тутамд 500 канад доллар олгоно.

-12 хүртэл насны хүүхэдтэй эцэг эх,

-Хөгжлийн бэрхшээлтэй, асаргаа шаардлагатай, COVID-19-ийн халдвар авах өндөр эрсдэлтэй өрхийн гишүүнтэй бол.

Зарим баримт дурдахад,

Наймдугаар сарын эхний байдлаар 8.5 сая иргэн CERB буюу Канадын аюулгүй байдалд зориулсан тэтгэмжийг хүртсэн бол 400 сая иргэн CERB-ээс-ийн дэмжлэг авч ажлын байрандаа эргэж оржээ.

Наймдугаар сарын 9-ний байдлаар тус улсын засгийн газар Канад даяар ажилгүйдлийн түвшинг 13.1 хувь болгон бууруулжээ.

Эх сурвалж: canada.ca