Америкийн кино академийн 93 дахь удаагийн Оскарын шагнал гардуулах ёслол энэ цар тахлын нөхцөл байдлын улмаас хэд хэдэн байрлалд буюу АНУ-ын Лос Анжелес хотын хоёр театр, Лондон болон Парис хотуудад нэгэн зэрэг зохион байгуулагдаж шилдэгүүдийг шалгаруулж байна.  

"Шилдэг баримтат кино" номинацийн ялагчаар "My octopus teacher" кино шалгарлаа.

Хятад гаралтай Америк найруулагч Хлоя Жао "Нүүдэлчдийн нутаг" киногоороо "Шилдэг найруулагч"-ийн шагналыг хүртжээ.  

"Шилдэг эрэгтэй туслах дүр" төрөлд Британийн жүжигчин Дэниэл Калуя "Judas and The Black Messiah" киноны дүрээрээ ялагч боллоо.  

Харин шилдэг зохиолоор  "Promising Young Woman"  кино тодорсон байна. Энэ киноны зохиолыг Британийн жүжигчин Эмиральд Феннел бичиж, найруулагчаар ажиллажээ. Түүний хувьд энэ нь анхных нь найруулсан кино юм.  

Оскарын шагналын "Шилдэг богино хэмжээний кино" төрөлд "Тwo Distant Strangers" кино ялагчаар тодорлоо. Энэ киног Америкийн найруулагч Трэвон Фри, Мартин Десмонд Роу нар найруулсан юм.  

Өмнөд Солонгосын жүжигчин Юн Ё Жон Америкийн кино урлагийн академийн Оскарын шагналыг "Минари" кинонд бүтээсэн дүрээрээ  "шилдэг эмэгтэй туслах дүр"ийн шагналыг хүртэв.  

“Гадаадын шилдэг уран сайхны кино”-ны төрөлд Данийн кино найруулагч Томас Винтенбергийн “Druk” кино шалгарлаа.

“Шилдэг анимейшн” номинацад Оскарын хоёр удаагийн шагналт найруулагч Пит Доктер болон Кемп Пауэрс нарын бүтээсэн "Soul" анимейшн хүртлээ.

Ингээд тус ёслолын тайзын чимсэн хувцаслалтуудыг танилцуулж байна.