Улсын Онцгой комиссоос цаг үеийн асуудлаар мэдээлэл хийж байна.

Хурлын үеэр УОК-ын хэвлэлийн төлөөлөгч Ц.Ганзориг "Есдүгээр сарын 1-нтэй холбоотойгоор олон асуулт ирж байна. Энэ хичээлийн жилд хөл хорионы улмаас сургууль, цэцэрлэгийн үйл ажиллагаа түр зогссон ч хүүхдүүдийг улираахгүй. Бүх эрсдлийг тооцоолж, БСШУСЯ судалгаа хийж байна. 

Мөн энэ хичээлийн жилд хувийн сургууль, цэцэрлэгт төлсөн төлбөрийг ирэх хичээлийн жилд шилжүүлэх талаар ярилцаж байгаа. Шийдэж, тооцоолох олон асуудал байгаа учраас судалгаа бэлтгэл ажлаа хангаж байна" гэв. 

Мөн тэрээр "Элсэлтийн ерөнхий шалгалт долоодугаар сарын 2-ноос эхэлнэ. Мөн 0-12 насны хүүхэдтэй ээжүүд, жирэмсэн эмэгтэйчүүдэд гэрээсээ ажиллах боломжийг бий болгох тогтоолыг дөрөвдүгээр сарын 30-ныг хүртэл сунгаж байна. 

Хандиваар цугласан мөнгийг ХӨСҮТ, ЗӨСҮТ зэрэг голомтот ажиллаж буй албан хаагчдын цалинг олгоход зарцуулах шийдвэрийг гаргасан" хэмээн онцоллоо.