Улсын онцгой комисоос ирэх даваа гарагаас эхлэн замын хөдөлгөөнийг тэгш, сондгой дугаараар явуулна гэж мэдэгдсэн. 

Харин энэ мэдээллийн дараа Засгийн газрын хэвлэлийн төлөөлөгч Ц.Ганзориг албан ёсны шийдвэр гараагүй талаар өөрийн хуудсандаа бичжээ.

Тэрээр, 

"Тэгш, сондгой дугаараар явуулах шийдвэр гараагүй. Шуурхай штабын зүгээс хөдөлгөөнийг хязгаарлахаар санал болгож буй энэ асуудлыг Улсын Онцгой комисс хэлэлцээгүй.

Мөн Улаанбаатар хотын дарга шийдвэр гаргаагүй болно. Бөөгнөрөл үүсгэхээс сэргийлэх арга хэмжээнүүдийг Засгийн газар, Улсын Онцгой комисс, Улаанбаатар хотын засаг даргаас авч хэрэгжүүлж байгаа билээ.

Цаашид урин дулаан болсонтой холбоотойгоор Туул гол дагасан, Богд ууланд бөөгнөрөх эрcдэлийг тооцоолж, цэвэр агаарт зохистой амрах нөхцөлийг бүрдүүлэхээр ажиллаж байна" гэжээ.