Хотын дарга С.Амарсайханы гаргасан захирамжын дагуу амралтын газар, жуулчны бааз, саун, фитнесс, 10 хүртэлх хүнтэй сургалтын төвүүдийн үйл ажиллагааг нээлээ.

Ерөнхий сайдаас өгсөн чиглэлийн дагуу дөрөвдүгээр сарын 15-ны өдрөөс эхлэн Туул гол, Богд ууланд бөөгнөрөл үүсэхээс сэргийлж амралтын газруудыг нээж эхэлсэн талаар бид мэдээлэж байсан. Тэгвэл мөн Хотын дарга С.Амарсайханы гаргасан А/521 тоот “Иргэдийн эрүүл мэндийн талаар авах зарим арга хэмжээний тухай” захирамжид заасны дагуу саун, фитнесс,  буудал болон 10 хүртэлх хүнтэй сургалтын төвүүдийн үйл ажиллагааг ийнхүү нээж байна.

Эдгээр байгууллагууд үйл ажиллагаа нээж, явуулахдаа үйлчлүүлэгчийн биеийн халууныг хэмжиж дотогш нэвтрүүлэх, ариутгал халдваргүйжүүлэлтийг хоёр цаг тутамд гүйцэтгэж байх, иргэдийг нэг дор олноор цуглуулахгүй байх, мэргэжлийн байгууллагын зөвлөмж зөвлөгөөг хэрэгжүүлэх үүрэг хүлээн ажиллахыг Хотын дарга захирамждаа дурджээ.