УИХ-ын нэгдсэн чуулганы хуралдаанаар УИХ-ын гишүүн Б.Батзоригийн чөлөөлөгдөх хүсэлтийг хэлэлцэж, үүрэгт ажлаас нь чөлөөллөө. УИХ-ийн гишүүд Б.Батзоригийг чөлөөлөх эсэхийг нууц санал хураалтаар шийдсэн юм.

 Санал хураалтад 47 гишүүн оролцсон бөгөөд 27 нь Б.Батзоригийг өөрийн хүсэлтээр албан тушаалаасаа огцрохыг дэмжсэн байна. 

Тэрбээр энэ сарын 3-нд чөлөөлөгдөх хүсэлтээ УИХ-ын даргад өгсөн. Харин уг хүсэлтийг дөрөвдүгээр сарын 15-ны өдрийн Төрийн байгуулалтын байнгын хорооны хуралдаанаар хэлэлцэн дэмжсэн билээ. 

УИХ-ын гишүүн Б.Батзориг чөлөөлөгдсөнөөр УИХ 73 гишүүнтэйгээр үйл ажиллагаагаа үргэлжлүүлэхээр болж байна.