ЭМЯ-наас цаг үе, нөхцөл байдлын талаарх дөрөвдүгээр сарын 19-ны өдрийн мэдээллээ хүргэлээ. ОХУ-аас ирсэн дахин нэг хүнээс коронавирус илэрлээ.

Энэ үеэр ХӨСҮТ-ийн захирал Д.Нямхүү "Дөрөвдүгээр сарын 18-ны өдөр сэжигтэй тохиолдол бүртгэгдээгүй. Турк хоёр эдгэрч ХӨСҮТ-ээс гарах болсон бөгөөд өөрсдийн хүсэлтээр дахин 14 хоног ХӨСҮТ-д тусгаарлагдахаар боллоо. ОХУ-аас ирсэн дахин нэг хүнээс Covid-19 илэрлээ" хэмээн мэдээлэв.

Мөн тэрээр "Хүмүүсийн шуугиад байгаа гадуур алдчихсан юм биш үү, вирус тарсан юм биш үү гэсэн яриа ор үндэсгүй худлаа. Бид бүхий л чадлаа дайчлан энэ тал дээр анхааралтай ажиллаж байна." гэв.