УОК-ын Шуурхай Штабаас цаг үе, нөхцөл байдлын талаар мэдээлэл хийж байна. Герман, Сөүл рүү тусгай үүргийн нислэг хийхээр шийдвэрлэлээ. 

Өчигдөр онцгой комиссын 18 дахь удаагийн хуралдаан болсон. Уг хурлаар дөрөвдүгээр сарын 30-нд БНСУ-ын Сөүл хот руу, тавдугаар сарын 2-нд Герман улсын Франкбург хот руу тусгай үүргийн нислэг хийж, иргэдээ татан авчрахаар боллоо.

Гадаад харилцааны яамны Консулын газрын дарга Л.Мөнхтүшиг "Тусгай үүргийн энэхүү нислэгээр нийт 500 орчим иргэнээ авчрах боломжтой. Дахин шинээр бүртгэл авахгүй бөгөөд эх орондоо ирэхээр хүсэлтээ илгээсэн байгаа 2000 гаруй хүмүүсийг хамруулна." хэмээн мэдэгдлээ.