БСШУСЯ-ны сайд Ё.Баатарбилэг цаг үеийн асуудлаар мэдээлэл хийж байна. 

БСШУСЯ-ны сайд Ё.Баатарбилэг мэдээлэл хийх үеэрээ  "Дэлхийн 192 оронд сургууль, цэцэрлэгийн үйл ажиллагааг зогсоосон. Үүнээс үүдэн 1.7 тэрбум хүүхэд гэртээ байна.  

Засгийн газрын 139-р тогтоолоор есдүгээр сарын 1-н хүртэл хөл хорио тогтоосон. Арванхоёрдугаар анги төгсөгчдөөс монгол хэл бичгийн шалгалт авахгүй. ЭЕШ-д дэмжлэг үзүүлэх хэрэгтэй. Сургууль, цэцэрлэгүүд үйл ажиллагаа зогссон учраас хэмнэлт хийх шаардлагатай" гэв. 

А 194 тушаалын хүрээнд:

"Теле хичээлийг зургадугаар сарын 1-н хүртэл явуулна. Дөрөв, тавдугаар сард цэцэрлэг, сургуулийн багш нарын мэргэжил дээшлүүлэх сургалтыг онлайнаар явуулж байна. Теле хичээлийг хэрхэн хийснийг хэрхэн бататгах талаар бүх сургуулиулад хүргэсэн.  Теле хичээлийг сурагчдад хүрж буй талаар аймаг, нийслэлийн соёлын газрын ажилтнуудад даалгасан.

ЭЕШ-ын даалгаврыг гүйцэтгэхэд тулгардаг зөвлөмж, зааврыг хүргүүлэхээр ажиллаж байна. 2020 онд олимпиад, тэмцээн зохион байгуулахгүй. Мэргэжлийн зэрэг олгох асуудлыг есдүгээр сард зохион байгуулна. 2020-2021 онд нэгдүгээр ангид орох хүүхдүүдэд зориулсан гарын авлагыг тараана. Мөн зун болдог бүх зайны сургалтуудын зогсоож байгаа. ЕБС-ийн сурагчдыг бүгдийг нь төгсгөнө.

Зуны бүхий л төрлийн сургалтыг зогсоосон

Шалгалт авахгүй. Жилийн эцсийн дүнг хагас жилийн буюу хоёрдугаар улирлын дүнг голчлон теле хичээлийн  гүйцэтгэлийн оролцоог дүгнэж, гаргана" гэв. 

Мөн тэрээр их сургуулиудын төгсөлтийг цахим хэлбэрээр зохион байгуулна. Оюутнуудын төгсөлттэй холбоотой хонхны баярыг зохион байгуулаж болохгүй. Тиймээс их сургуулиуд суралцагчидаа ийм зөрчил гаргахгүй байхыг онцгой анхаарууллаа. 

Их, дээд сургуулиудыг ЭЕШ-ын босго оноог харгалзан бүртгэл хийхдээ цахим хэлбэрээр зохион байгуулах чиглэл өгч байна. Мөн тэвчиж болох зардлыг тооцоолж төсөвтөө тодотгол хийхийг мөн үүрэгдлээ. 

Арванхоёругаар ангийн хүүхдүүдийн ЭЕШ-д бэлдэх талаар эцэг, эхчүүдээс маш олон санал ирсэн. Өндөржүүлсэн бэлэн байдлын хугацааг сунгахааргүй бол арванхоёрдугаар ангийн сурагчдад танхимаар давтлага өгөх талаар судалж байна. Арванхоёрдугаар ангийн хүүхдүүдэд үнэгүй дататай дугаар олгох ажлыг зохион байгуулж байна" гэв.