Дэлхий даяар түүхий эдийн үнэ өссөнөөс шалтгаалан алдарт “Chanel” брэндүйлдвэрлэлийн зардлаа нөхөхийн тулд зарим бүтээгдэхүүнийхээ үнийг нэмэхээр болжээ.

Цор ганц хийгдсэн “11.12” болон “2.55” загварууд, мөн түүнчлэн “Boy”, “Gabrielle”, “Chanel” зэрэг брэндийн нийт 19 төрлийн цүнхнийхээ үнийг 5-17 хувиар өсгөх аж.

Сонирхуулахад уг цүнхнүүдийг нэрлэсэн тоо нь анх худалдаанд гарсан он сарыг бэлгэддэг байна.

“11.12” загварын гар цүнхийг дизайнерын багийн захирал Karl Lagerfeld загварчилсан бөгөөд 2.55 гэх загварын шинэчилсэн хувилбар нь юм. Энэхүү цүнхэнд CC түгжээ нэмж өгснөөр алдартай.

Дашрамд дурдахад тус брэндтэй өрсөлдөхүйц дээд зэрэглэлийн “Louis Vuitton”, “Tiffany&Co” зэрэг брэндүүд мөн адил бүтээгдэхүүнийхээ үнийг 5-11 хувь хүртэл нэмжээ.

Ийнхүү үнээ өсгөх болсон шалтгаан нь компанийн үнийн бодлого, ханшийн хэлбэлзэл, түүхий эдийн үнэ нэмэгдсэнтэй шууд холбоотой.

Мөн шүүмжлэгчид энэхүү үнийн хөөрөгдлийг хөл хорионоос үүдэн худалдан авалт хийлгүй удсан үйлчлүүлэгчдэд чиглэсэн гэж үзэж буй.

Эх сурвалж: Businessinsider