Онлайн худалдааны сайтуудын үйл ажиллагаа жил ирэх тусам хөгжиж, бараа бүтээгдэхүүн нь салбар дэлгүүрээс нь ч илүү сонголттой байх болсон. Түүнчлэн үнийн хувьд хямд байдгаараа хэрэглэгч бидэнд маш давуу талтай. 

Жил бүрийн 11 дүгээр сард дэлхийн өнцөг булан бүрийн хүмүүс "Black Friday", "Thanks Givingday", "Cyberday" зэрэг хямдралыг хүлээдэг гэхэд хилсдэхгүй.

Өнгөрсөн жилийн хямдралаар АНУ-ын иргэдийн онлайн дэлгүүрээс бараа бүтээгдэхүүн худалдан авсан үнийн дүн нь 7,4 тэрбум ам.долларт хүрч байжээ. Энэ нь онлайн худалдан авалтын дээд амжилт болсон гэдгийг CNN мэдээлсэн.

Мэдээж энэ амжилт ковид-19 цар тахалтай зайлшгүй холбогдоно. Цар тахлын нөлөөгөөр онлайн бизнесүүд эрчимтэй хөгжиж байгаа билээ.

Та ч бас хатуу хөл хорионы энэ үед дэлхийн хямдралыг ашиглаад авахыг хүсэж, товлосон бараагаа visa картаараа захиалаад авдаг л цаг. Хэрэв танд олон улсын карт байхгүй, эсвэл хугацаа нь дууссан бол ХХБ-ны "TDB Online" үйлчилгээ ашиглан төгрөг, ам.доллар, евро зэрэг валютаас сонгон биет бус Виртуал Visa картыг хормын дотор үүсгэж, тэр дор нь ашиглаж эхлэх боломжтой.

Мөн "TDB online" -аар хүссэн картаа захиалж, Монгол шуудан ХК-аар Улаанбаатар хот дотор ажлын 3-5 хоногт хүргүүлэх боломжтой.

ХХБ-ны Visa картаа ашиглаад 50-90% хүртэлх хямдралыг заавал ашиглаарай. Дэлхийн худалдааны том сайтууд болох amazon, walmart, blackfriday мөн дотоодын онлайн худалдааны shoppy, rio, next, smartcenter зэрэг олон сонголт танд байгаа.