ХХБанк жил бүрийн 6 дугаар сарын 1-ний өдөр буюу "Хүүхдийн эрхийг хамгаалах өдөр"- ийг угтан бяцхан харилцагчдаа халамжлан, баярлуулдаг уламжлалтай билээ. 

Тус банк нь НҮБ-ын уур амьсгалын ногоон сангийн үндэстний итгэмжлэгдсэн байгууллага болсонтой холбоотойгоор энэ жил Монгол улсын нийт хүүхэд багачуудынхаа дунд “Хайрлагдсан дэлхий” сэдвийн хүрээнд видео бичлэгийн уралдааныг зарлаж байна.  

Таны хүүхдийн өдөр тутмын үйлдэл байгаль эх дэлхийд хэрхэн эергээр нөлөөлж байгааг мөн хэрхэн энгийн үйлдлүүд эерэг нөлөөлөх боломжтойг дүрс бичлэгт буулгахад л хангалттай бөгөөд бүх төрлийн аппликейшн ашиглан дуу, дүрс, эффект оруулах боломж нээлттэй гэнэ.

Хэрхэн оролцох вэ?

• Та өөрийн цахим /facebook/ хаягтаа бичлэгээ public тохиргоотой оруулах
• Description хэсэгт уралдаанд оролцогчийн /хүүхдийн/ овог нэр, насыг тодорхой бичих
• ХХБ-ны албан ёсны цахим /facebook/ хуудсыг mention хийх
• Мөн #Хайрлагдсан_дэлхий hashtag-ийг хамт оруулахад хангалттай юм.

Бүтээлүүдийг 2021 оны 06 дугаар сарын 01-ний өдрийн 17:00 цаг хүртэл хүлээн авах бөгөөд 50-с дээш like болон share авсан бичлэгүүдийг 2 дугаар шатны шалгаруулалтад оруулж, шүүгчдийн бүрэлдэхүүний шийдвэрээр шагналт байрыг тодруулах аж.

⬇️Уралдааны шагнал⬇️