УИХ-ын найм дахь удаагийн сонгуулийн санал хураалтын ирц 73.64 хувьтай байж, урьдчилсан байдлаар МАН 62 суудал авснаа зарлаад буй билээ.

Энэ удаагийн парламентад 6 засаг дарга УИХ-ын гишүүнээр сонгогджээ.

Тодруулбал,

Багануур дүүргийн засаг дарга Ц.Сандаг-Очир

Нийгмийн ухааны багш, философич мэргэжилтэй тэрээр 2008 оноос хойш Багануур дүүргийн засаг даргын албыг хашиж буй.

Нийт 15.576 санал буюу нийт саналын 48.7 хувийг авч ялалт байгуулсан юм.

Баянгол дүүргийн засаг дарга С.Одонтуяа

2007 оноос хойш БГД-ийн АН-ын дэд даргын албыг хашиж байгаа юм.2012-2016 онд УИХ-ыг гишүүнээр сонгогдон ажилласан. Тэрээр нийслэлд ардчилсан намаас тодорсон цор ганц нэр дэвшигч бөгөөд 27,143 хүний саналаар буюу 26.2 хувийн саналаар ялалт байгуулсан юм.

Дорноговь аймгийн засаг дарга Т.Энхтүвшин

2016 оны 07 дугаар сараас Дорноговь аймгийн Засаг даргаар томилогдон ажиллаж байна.

17,285 хүний санал авч 54.9 хувийн саналаар тодорсон юм.

Нийслэлийн засаг дарга бөгөөд Улаанбаатар хотын захирагч С.Амарсайхан

2012 оноос хойш НИТХ-ын Төлөөлөгчөөр хоёр дахь удаагаа сонгогдон ажилласан бөгөөд 2019 онд Нийслэлийн Засаг даргаар сонгогдсон юм.

Тэрээр тойргийнхоо нийт сонгогчдын 68.62 хувийн саналаар УИХ-д суух эрхээ авсан байна.

Орхон аймгийн засаг дарга бөгөөд Эрдэнэт хотын захирагч Д.Батлут

2013 онд Орхон аймгийн МАН-ын хорооны даргаар сонгогдож байсан тэрээр 2016 онд тус аймгийн засаг даргаар томилогдсон юм.

УИХ-ын сонгуулийн 20-р тойрог буюу Орхон аймагт Ман-аас нэр дэвшигч хамгийн олон санал буюу 22,621 сонгогчийн санал (нийт сонгогчдын 49,5 хувийн санал) авч ялалт байгууллаа.

Өвөрхангай аймгийн засаг дарга Г.Ганболд

2016 оны долоодугаар сарын тус аймгийн Засаг даргаар түүнийг томилсон юм.

МАН-аас дэр дэвшигч Г.Ганболд нь 23,560 хүний санал авч, 44.2 хувийн саналаар УИХ-ын гишүүн боллоо.

Өмнөговь аймгийн засаг дарга Н.Наранбаатар

Эдийн засагч, нягтлан бодогч мэргэжилтэй тэрээр 2016 онд Өмнөговь аймгийн Засаг даргаар томилогдсон.

МАН-аас нэр дэвшигч Н.Наранбаатар нь 15,929 хүний саналаар буюу нийт сонгогчдын 49,6 хувийн саналаар парламентад суудал авлаа.

Төв аймгийн засаг дарга Ж.Батжаргал

Эдийн засагт мэргэжилтэй Ж.Батжаргал нь Төв аймгийн ИТХ-ын даргаар 2002-2012 онд сонгогдон ажиллаж байсан бөгөөд 2016 оноос хойш аймгийн засаг даргын албыг хашиж буй.

МАН-аас нэр дэвшигч Ж.Батжаргал хамгийн олон буюу 18,531 хүний санал авч, 42.3 хувийн саналтайгаар ялсан юм.