АНУ-ын Флорида мужийн Jacksonville-ийн Brooks киборг эмчилгээний төв нь Япон улсад хөгжүүлсэн нөхөн сэргээх эмчилгээний шинэлэг технологи HAL /Hybrid Assistive Limb/ роботон хос өмсгөлийг хэрэглээнд нэвтрүүлсэн анхны хот болов.

Роботон өмсгөл буюу киборгийн анхны хэрэглэгч 2018 онд 55 настайдаа тархины саажилтын гийена-баррегийн синдромоор өвчилж суумгай болсон Kristen Sorensen юм.  

Тэрээр Японы зохион бүтээгч Yoshiyuki Sankai-ийн зохин бүтээсэн уг киборгийг худалдан авч охиныхоо хуриманд өмсжээ.

Нуруу нугасны гэмтэл, удамшлын архаг өвчин болох булчингийн дистрофитой хүмүүст зориулсан роботон өмсгөл “HAL” нь мэдрэлийн эд эс болон булчинг хэвийн ажиллагаанд оруулж хөдөлгөөнийг бүрэн дэмжиж буй аж.

Экзоскелет буюу экзо яс гэдэг нь бичил электрон мотор бүхий холбогч үеэс бүрдэх нэг төрлийн роботон өмсгөл бөгөөд ажиллагаагүй болсон булчинг механикаар  удирдана.

Энэ технологийн хамгийн том дэвшил нь өвчтөн киборгийг тархины үелзлээрээ удирдаж, өөрийн жинхэнэ гар хөл мэт хөдөлгөж чадахад оршино.

Роботон өмсгөлийн ач тусыг хөгжлийн бэрхшээлтэй хүмүүс хүртэхээр хязгаарлагдахгүй. ДЭМБ-ын судалгаагаар 2050 он гэхэд  60-аас дээш насныхан хоёр тэрбум давах тул экзоскелет нь ахмадуудын ердийн хэрэглээ болно гэж үзэж байна.

Эх сурвалж: CNN News