Английн Бристлийн их сургуулийн эрдэмтэд цөмийн хаягдлыг батарей бүтээх арга боловсруулжээ.

Физик, химийн эрдэмтдээс бүрдэх тус багийн дэвшүүлсэн санаа нь “carbon-14” изотопийг цацраг идэвхт хаягдлаас ялгаж, үлдсэн материалыг тусгай алмас эрдэнийн саванд хийн батарей болгох юм. Батарейд ашиглах цөмийн хаягдлын хагас задралын хугацаа нь 5730 жил учраас эрдэмтэд үүнийг “хязгааргүй цэнэгтэй” хэмээн нэрлэж байгаа аж.

Хэдий батарейн хүчдэл бага боловч онолын хувьд хиймэл дагуулын мэдрэгч төхөөрөмжөөс эхлээд цаг уурын багаж хэрэгсэл, зүрхний аппарат, сонсголын төхөөрөмжид ч ашиглах боломжтой юм.

Бристлийн их сургуулийн эрдэмтдийн судалгаа нь цөмийн хаягдлын асуудал тулгамдаж буй энэ үед хүмүүст шинэ итгэл найдварыг бий болгоод байна.

Эх сурвалж: Interesting Engineering