Европын Холбооны гүйцэтгэх засаглалын дээд байгууллага болох Евро Комисс хар жагсаалтад оруулах 9 улсыг нэрлэж өчигдөр буюу Пүрэв гарагт Европын Холбооны гишүүн 27 улсын засгийн газарт илгээсний дотор Монгол улс багтсан нь батлагдлаа.

Европын холбооны комисс мөнгө угаах гэмт хэрэг, терроризмыг санхүүжүүлэх болон цар тахал зэрэг учирч болох эрсдэлийг тооцоолон эдийн засгийн хувьд уналтад орох магадлал бүхий улсуудын жагсаалтад Панам, Багамын арлууд, Маврики, Барбадос, Ботсвана, Камбож, Гана, Ямайк, Монгол, Мьянмар, Никарагуа, Зимбабве зэрэг улсыг оруулжээ.

Хэрвээ Европын Холбооны гишүүн улсууд санал нэгдвэл эдгээр орнуудыг ирэх аравдугаар сард хар жагсаалтад нэмэх юм байна. 

Хар жагсаалтад одоогоор Афганистан, Ирак, Вануату, Пакистан, Сири, Йемен, Уганда, Тринидад ба Тобаго, Иран, Умард Солонгос зэрэн ороод байгаа юм.

Тус жагсаалтын хуулийн дагуу банкууд болон санхүү, татварын бусад компаниуд тухайн улс орнуудтай холбоо тогтоож, илүү нарийвчилсан судалгаа хийх шаардлагатай байгааг мэдэгдлээ.

Эх сурвалж: Reuters.com