Дэлхийн эрүүл мэндийн байгууллагын Монгол улс дахь суурин төлөөлөгч Сергей Диордица коронавирусийн нөхцөл байдлын талаар мэдээлэл хийж байна.

Тэрээр энэ мэдэгдэлдээ "Монгол улсын хувьд УОК, ЭМЯ, ГХЯ зэрэг олон байгууллагууд хамтран ажиллаж, коронавирусийн халдвараас урьдчилан сэргийлэх, таслан зогсоох үйл ажиллагааг өндөр түвшинд явуулж байна. Дэлхий нийт бараг хүчин мөхөсдөж буй энэ үед Монгол улсад зөөвөрлөгдсөн тохиолдлууд л бүртгэгдсэн байгаа нь сайшаалтай. Тиймээс МУ-ын Засгийн газарт мөн талархал илэрхийлмээр байна" хэмээв. 

Вакцинд найдаж, анхаарлаа сулруулах нь маш буруу алхам. Вакцин албан ёсоор хэзээ бэлэн болж, хэзээ энд ирэх нь тодорхойгүй байгаа учир урьдчилан сэргийлэх ажиллагаа чанга байх нь зүйтэй.