Харин Нийслэлийн ИТХ-ын ХМОНХТ-аас мэдээллээ. Энэ жил "Эхийн алдар" одонг коронавирус намжсан үед биечлэн олгох болсон тул одон авах хугацаа тодорхойгүй хойшилж байна.

Олон хүүхэд төрүүлж, өсгөсөн эхийг урамшуулах тухай хуульд заасан нөхцөл, шалгуурын дагуу энэ жил урьдчилсан байдлаар “Эхийн алдар” нэгдүгээр зэргийн одон хүртэх 745, хоёрдугаар зэргийн одон хүртэх 10160 гаруй ээж Монгол Улсын Ерөнхийлөгчийн Тамгын газарт материалаа ирүүлжээ.

Коронавирусийн улмаас олон хүн нэг дор цугларах болон олныг хамарсан үйл ажиллагаа зохион байгуулахыг хориглосон. Энэ жил "Эхийн алдар" одон авах ээжүүд дунд өөрийн харъяа дүүрэг, хороогоор дамжуулан одонгоо авах талаар мэдээлэлтэй байсан. Харин тус одонг цар тахал намжсан үед Ерөнхийлөгч зарлиг гарган, одонг  биечлэн гардуулна.  

Мөн цаг үеийн нөхцөл байдалтай холбогдуулан одонгийн мөнгө шаардлагыг хөнгөвчилжээ. Тодруулбал, олон хүүхэд төрүүлж өсгөсөн эхийг урамшуулах тухай хуулийн 5 дугаар зүйлийг цахим тогтолцоонд шилжүүлсэн байна. Ингэснээр ээжүүд одонгийн үнэмлэх, иргэний цахим үнэмлэхийн хуулбараа нотариатаар баталгаажуулан, харьяа дүүргийнхээ халамж, үйлчилгээний байгууллагад очих шаардлагагүйгээр одонгийн мөнгөө авахаар боллоо.