Хоёр сарын турш хөл хорионы дэглэм тогтоосон АНУ эдийн засгаа дэмжихээр 50 мужаа хэвийн байдалд шилжүүлж эхэллээ.

Өчигдөр буюу лхагва гарагт Коннектикут мужид хөл хориог цуцалж дэлгүүр болон ресторануудыг тодорхой нөхцөлийн дагуу хэвийн ажиллуулахаар шийдвэрлэсэн нь хөл хориог сулласан сүүлийн муж боллоо.

Халдварын тохиолдол сүүлийн 14 хоног буурах төлөвт шилжиж эхэлсэн ч хөл хориог хэрхэн сулруулж, хэвийн байдалд шилжих тодорхой заавар, зөвлөмжийг засгийн газар өгөөгүй хэмээн шүүмжлэлд өртөөд байна.

Тархалтын голомт болж байсан Нью-Йорк, Нью-Жерси, Вашингтон зэрэг мужид халдварын тохиолдол буурч эхэлжээ. Харин Аризона болон Хойд Каролин зэрэг мужид тархалт өндөр хэвээр байна.

Цар тахлын улмаас 1,591,991 хүн өвчилж, 94,994 өвчтөн нас барсан бол 370,076 иргэн эдгэжээ.

Эх сурвалж: BBC