Залуу нэр дэвшигчид ХӨГЖЛИЙН сэдвээр мэтгэлцлээ

Сэтгүүлч: Ц.МӨНХЖИН |

91 |

Гарааны бизнес эрхлэгчид, энтрепренер залуусын #Dreamers нэгдэл Монгол Улсын ирээдүй, хөгжлийн чиг хандлагыг шийдвэрлэх энэ чухал цаг үед улс төрийн нам, эвслүүдийн мөрийн хөтөлбөрт инноваци, технологийн хөгжил, гарааны бизнес, залуусын оролцоог хэр тусгасан, ямар бодлого төлөвлөснийг залууст хүргэх, сонголтоо зөв хийх мэдээллээр хангах зорилгоор “ТЭД ХӨГЖЛИЙГ ХЭРХЭН ХАРЖ БАЙНА ВЭ?” сэдэвт мэтгэлцээнийг зохион байгууллаа.

Тус мэтгэлцээнд МАН-аас НАМЗХ-ны Ерөнхийлөгч, УИХ-ын 28-р тойрогт нэр дэвшигч Н.Учрал, Зөв хүн электорат эвслээс УИХ-ын 21-р тойрогт нэр дэвшигч Б.Мөнхдөл, АН-аас Ардчилсан залуучуудын холбооны Ерөнхийлөгч, УИХ-ын 24-р тойрогт нэр дэвшигч С.Эрдэнэболд, Та бидний эвслээс МАХН-ын ЕНБД, УИХ-ын 27-р тойрогт нэр дэвшигч Б.Тулга нар оролцов.

Хэлэлцүүлгийн үеэр нэр дэвшигчид сонгууль бол ирээдүйн 5,10 жилийн дараах өөрийн амьдрал ямар байхыг шийдэх чухал сонголт гэдгийг онцолж саналаа идэвхтэй өгөхийг уриалав. Мөн зөвхөн сонгуульд төдийгүй улс төрд залуусын оролцоо чухал үүрэгтэй. Иймд улс төрийн намуудын дэргэдэх залуусын байгууллага нь ирээдүйд шилдэг улс төрчдийг бэлтгэх инцтитуци юм гэдгийг онцоллоо.

Мөн залуусын хөдөлмөр эрхлэлтийн чиг хандлага сүүлийн жилүүдэд хурдацтай өөрчлөгдөж буй тул бизнесийн байгууллагууд, төр засаг бодлого үйл ажиллагаагаа явуулах үүнийг анхаарах шаардлагатай тулгарч байна. Мэдээлэл технологийн хөгжилд анхаарал хандуулахаас гадна ирээдүй хойч үеэ зөв хүн болгон хүмүүжүүлэх тал дээр анхаарч ажиллах хэрэгтэйг оролцогчид хэлж байсан юм.

Монгол залуус дэлхийн хэмжээнд сэтгэж, бүтээж чадаж байна. Дэлхийн томоохон компаниуд болон томоохон төслүүд дээр ажиллаж байна. Өнөө үед дэлхийн хаанаас ч улс орноо хөгжүүлэх боломж бүрдсэн. Тиймээс эдгээр залуусыг бодлогоор дэмжих нь чухал гэдгийг онцолж байлаа.

Мэдээлэл технологийн эрин үед өгөгдөл, хувийн мэдээллийг хамгаалах, өгөгдлийн сангийн аюулгүй байдлыг хангах нь чухал юм гэдгийг мэтгэлцээнд оролцогчид хэллээ.

Харин гарааны бизнес эрхлэгчдийг дэмжих тал дээр Монгол Улсад үйл ажиллагаагаа явуулж буй гарааны бизнесүүдийг бүртгэлжүүлэх, хамтын оффисууд дээр байршиж байгаа компаниудыг татварын бодлогоор дэмжих, оюуны өмчөө барьцаалан зээл авах, олон нийтээс санхүүжилт авах боломжуудыг хангах хуулийн хуулийн төслүүд хэрэгжиж байна.

Цаашид гарааны компаниудын санхүүгийн эх үүсвэрийг нэмэгдүүлэх чиглэлд банк санхүүгийн тогтолцоо, хөрөнгө оруулалтыг нэмэгдүүлэхэд анхаарах зэрэг сэдвүүдээр ярилцлаа.

Хэлэлцүүлгийг өглөө 06:45 цагт зохион байгуулсан бөгөөд зочид улс төрийн сөрөг сэтгэгдэлгүй, нам эвсэл гэж талцахгүйгээр бодлогын мэтгэлцээн явуулсан нь өглөөний цэвэр агаар мэт уур амьсгалыг бүрдүүлэв гэж оролцогчид онцолж байлаа.

Эцэст нь бид дэлхийн хөгжлөөс хоцрохгүйн тулд шинжлэх ухаан, технологи, инновацийн үйл ажиллагааг бодлогын түвшинд дэмжиж гарааны бизнес эрхлэгчдийн хууль эрх зүйн орчинг хязгаарлах бус тэлэхийн тулд УИХ-д энэ салбарын мэдлэгтэй, инновацийг дэмждэг залуу үеэ сонгох зүйтэй юм.

#Dreamers нэгдлийн зүгээс дараа дараагийн хэлэлцүүлэг, мэтгэлцээнүүдийг шат дараатай зохион байгуулж энэ чиглэлд залуусын дуу хоолойг нэгтгэн санал шийдлүүдийг гарган, шийдвэр гаргах түвшинд нөлөөлөхөөр ажиллаж байна.

Та #Dreamers нэгдэлд нэгдэхийг хүсвэл доорх сувгуудаар холбогдоорой.

Сэтгэгдэл бичих

	3х3 сагсанбөмбөгийн есөн талбайг шинээр ашиглалтад орууллаа 0 \| 133
	Осгосон иргэнийг эсэн мэнд олжээ 0 \| 83
	Сумын заан Б.Цагаанбанди анхны түрүүгээ хүртлээ 0 \| 19
	Өнгөрөгч шөнө хотын гудамж, замуудад 425 тонн давс, 83 тонн бодис цацжээ 0 \| 62
	Өнөөдөр нутгийн зүүн хэсгээр цас орж шуурна 0 \| 75
	Нийслэлийн зам засварын ажлыг хавар үргэлжлүүлэхээр боллоо 0 \| 49

	3х3 сагсанбөмбөгийн есөн талбайг шинээр ашиглалтад орууллаа 0 \| 133
	Осгосон иргэнийг эсэн мэнд олжээ 0 \| 83
	Сумын заан Б.Цагаанбанди анхны түрүүгээ хүртлээ 0 \| 19
	Өнгөрөгч шөнө хотын гудамж, замуудад 425 тонн давс, 83 тонн бодис цацжээ 0 \| 62
	Өнөөдөр нутгийн зүүн хэсгээр цас орж шуурна 0 \| 75
	Нийслэлийн зам засварын ажлыг хавар үргэлжлүүлэхээр боллоо 0 \| 49

A

A

A

A

A

Залуу нэр дэвшигчид ХӨГЖЛИЙН сэдвээр мэтгэлцлээ

Major тэмцээний Ази тивийн сонгон шалгаруулалт болох PGL CS2 APAC RMR тэмцээн өнөөдөр эхэлж байна.

Дэлхийн хамгийн үнэтэй үхрийн мах “Matsusaka wagyu”

"Байгалийн эмч" хэмээдэг саарал чонын тухай сонирхолтой баримтууд

Бөхөнгийн хамар яагаад монхор байдаг вэ?

Хичээл амарсан үед замын хөдөлгөөнд тээврийн хэрэгслүүдийг тэгш сондгой горимоор оролцуулахаар боллоо.

Г.Жаргалсайхан: Би нисэхгүй бол өөр хэн нисэх юм бэ

“Монгол төрийн сахиусны өргөө”- баримтат кино Монголчуудын өв соёлыг дэлхийд сурталчилна

Эмэгтэйчүүд, залуусын улс төрийн оролцоог идэвхжүүлэх хөтөлбөр нээлтээ хийлээ

А.Амбасэлмаа: 212 хүний шинжилгээнээс КОРОНАВИРУС ИЛРЭЭГҮЙ

Япон: Онгоцны тийзний тал хувийг ЗГ-аас төлнө