Мэдээллийн технологийн салбарыг сонирхдог сурагчдын авьяасыг илрүүлэх, хөгжүүлэх Монголын мэдээлэл технологийн ирээдүй болсон 10 мянган инженерийг бэлтгэх зорилготойгоор NEST ACADEMY нь өнгөрсөн онд байгуулагдаж байсан билээ.

Дунд, ахлах ангийн сурагчид сургалтанд хамрагдах боломжтой юм.

2018 оны намар анхны элсэлтээ авч, 2019 оны зун хоёр дахь элсэлтийн 36 сурагчийг сургалтандаа тус тус хамруулсан аж.

7-12-р ангийн сурагчид зуны эрчимжүүлсэн 400 цагийн 1-р түвшний сургалтаа дүүргэж, сургалтын төгсгөлд мастер багш нарын удирдлага доор багаар ажиллан, 7 өөр аппликэйшн бүтээсэн байна.

Түүнчлэн бидний сайн мэдэх PacMan тоглоомын олон тоглогчтой хувилбар, хүмүүс өөрсдийн хүсэл сонирхлын дагуу клубүүдэд хамрагдах боломж олгох аппликэйшн, гэртээ байгаа хоолны орцонд таарсан жор олдог аппликэйшн, англи хэл сурах аппликэйшн зэрэг олон сонирхолтой төслүүдийг гүйцэтгэжээ.  

Тэгвэл Nest Academy нь энэ сарын 13-ны өдөр Corporate Hotel and Convention Centre-д сурагчдын тайлан өдөрлөгийг үнэ төлбөргүй зохион байгуулах гэж  байна. Тус өдөрлөгөөр мэдээллийн технологийн салбарт сонирхолтой сурагчид болон эцэг эхчүүдэд энэ салбарын онцлогийг танилцуулах аж.