Манай улсад салбар бүрт маш олон тооны гарааны бизнесүүд үүсч байгуулагдаж байгаа хэдий ч санхүүгийн хүртээмжээ нэмэгдүүлэхэд бэрхшээлүүдтэй тулгардаг.  

Үүний нэг шийдэл нь сүүлийн үеэд нилээн амжилттай байгаа олон сая хүнтэй тохироо хийх буюу хөрөнгө оруулагчдын бүлгийг бий болгодог “краудфандинг” босгох, хөрөнгө оруулагчдын сахиусан тэнгэрүүд буюу “Angel investors” болон “Вэнч сан”- гуудын анхаарлыг татаж, түүнийг бүрдүүлэх боломжтой байдаг.  

Гэвч хэрхэн оновчтой санал боловсруулж бэлтгэх, тохирох хөрөнгө оруулагчдыг эрж олох, бизнес саналаа элеветэр питч байдлаар илэрхийлэх, харилцан ашигтай хэлцэл хийх, үр ашгийн тооцооллоо гаргах талаарх сүүлийн үеийн аргачлал, чиг хандлагын талаар мэдлэг, ойлголт хангалтгүй байгаа нь боломжийг хааж байна.

Иймд эдгээр асуултуудад хариулт эрж, шийдэл хайн, тэдгээрийн нууцаас задлахаар СЭЗИС-ийн “Тасралтгүй Боловсролын Төв”–өөс мэдлэгт суурилсан инноваци, оюуны хөрөнгө оруулалтыг дэмжих зорилготой “UFE Executive Platform” уламжлалт арга хэмжээг зохион байгуулах гэж байна.  

Бидний энэ удаагийн зохион байгуулж буй платформын үндсэн зорилго нь санхүүжилт болон хөрөнгө оруулалтын орчин үеийн арга техник, технологи, чиг хандлагыг танилцуулах, өөрт байгаа нөөц бололцоог хөшүүрэгдэн өөрчлөлт рүү шилжих стратегийг хэрхэн боловсруулах тухай академик онол, судалгаанд суурилсан мэдлэг мэдээллийг дэлхийд танигдсан томоохон судлаачдаас сонсож мэдэхийн сацуу, практикт нэвтрүүлсэн туршлага, амжилт, алдааны талаар үндэсний амжилттай энтерпренёруудаас суралцан, санал солилцох, нетворкинг хийх, газар дээр нь хөрөнгө оруулагч нартай найраа хийж (pitch) бизнестээ хөрөнгө оруулалт татах алтан боломжийг олгоход оршино.

Арга хэмжээ  

1. Том төслийн санхүүжилт босгох эх үүсвэрүүд, хамтрагч талуудыг сонгох стратеги

2. Гарааны бизнес эрхлэгчид болон Стартапд хөрөнгө оруулагч татах стратеги гэсэн үндсэн хоёр дэд сэдвийн хүрээнд явагдана.

Уг арга хэмжээнд оролцсноор тасралтгүй мэдлэг, туршлага, түншлэл гэсэн үндсэн гурван үнэ цэнийг өөртөө бий болгоно.

“UFE Executive Platform” арга хэмжээний онцлох ХОЁР илтгэл:

• Швейцарь улс дахь НҮБ-ын Өрсөлдөөн ба Хэрэглэгчийн салбар байгууллагын дарга асан, Австралийн Мельбурнийн их сургуулийн Хуулийн сургуулийн профессор, Оксфордын Их сургуулийн өрсөлдөөний тухай хууль болон бодлогын эрдэм шинжилгээний мэргэжилтэн Mr. Hassan Qaqaya - "Том төслийн санхүүжилтийн эх үүсвэрүүд, түүний үр ашгийг шинжих, хамтрагч талыг сонгох стратеги"
• GeoOrbital-ын үүсгэн байгуулагч, Гүйцэтгэх захирал Mike Burtov –АНУ-ын MIT их сургуулийн “Энтерпренёр хөтөлбөр”-ийн зочин багш - "Гарааны бизнес эрхлэгчид болон стартапд санхүүжилтыг босгох стратегийг боловсруулах нь"

“UFE Executive Platform” арга хэмжээ өнөөдөр 16.00 цагт Корпорейт конвейшн төвд болно.