Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хуулийн есдүгээр зүйлийн дөрөв дэх хэсэгт “Иргэд радио, телевизээр явуулж байгаа шууд нэвтрүүлгээр болон тусгайлан ажиллуулсан утсаар дамжуулан өргөдөл, гомдол гаргаж болно” гэж заасан байдаг. Энэхүү заалтыг үндэслэн Тагнуулын ерөнхий газар энэ сарын 7-ноос эхлэн харьяалан шалгах гэмт хэргийн талаар иргэд, аж ахуйн нэгжээс утсаар үнэ төлбөргүй мэдээлэл хүлээж авах 106 тусгай дугаарын үйлчилгээг нэвтрүүллээ. 

Дашрамд дурдахад Тагнуулын ерөнхий газар иргэд, аж ахуйн нэгжээс санал, хүсэлт, гомдол, мэдээлэл хүлээн авах, төрийн үйлчилгээг түргэн шуурхай үзүүлэх зорилгоор 2006 оноос 1800-1280 тусгай дугаарын үйлчилгээг энгийн тарифаар үзүүлж ирсэн билээ.

Иймд та бүхэн тагнуулын байгууллагын үйл ажиллагаатай холбоотой аливаа санал, хүсэлт гаргах, гэмт хэргийн талаар гомдол, мэдээлэл өгөх бол 106 дугаарын утсанд хандаарай.

Эх сурвалж: Тагнуулын ерөнхий газар