НҮБ-ын Ерөнхий нарийн бичгийн дарга асан, “Азийн төлөөх Боао” форумын дарга Бан Ги Мүүн Монгол Улсад албан ёсны айлчлал хийнэ. Тэрээр өнөөдөр орой 17:00 цагт "Чингис хаан" олон улсын нисэх буудалд газардах  юм байна. Айлчлалын үеэр “Боао Улаанбаатарын бага хурал”-д оролцож, “Шинэ эрин үе дэх хамтын хөгжил дэвшлийн төлөөх уялдаатай үйл ажиллагаа” ерөнхий сэдвээр илтгэл тавих аж. 

Дашрамд дурдахад Бан Ги Мүүн НҮБ-ын Ерөнхий нарийн бичгийн даргаар ажиллаж  байхдаа 2009 онд манай улсад албан ёсны айлчлал хийж байсан юм. Үүрэгт ажлаа албан ёсоор хүлээлгэж өгсний дараа БНХАУ-ын санаачилсан “Азийн төлөөх Боао” форумын даргын албан тушаалд 2018 оноос хойш томилогдон ажиллаж байна.