Хичээлийн шинэ жил эхлэх гэж байгаа энэ өдрүүдэд замын хөдөлгөөний ачаалал нэмэгддэг. Үүнтэй холбогдуулан нийслэлийн Засаг дарга С.Амарсайхан өчигдөр шөнийн 23.00 цагийн орчимд Замын цагдаагийн газрын өмнөх гүүрэн замын ажлын явцтай танилцлаа. Энэ үед тус зам гүүрийн ажлын хойд хэсэгт буюу Хүүхдийн паркийн зүүн талын хэсэгт ажилтнууд бетон цутгаж байсан бол урд хэсэгт нь буюу Хоме плаза талаас шөнийн ээлж гарч ажиллаагүй, зам барилгын ажил үргэлжлээгүй, зогсонги байдалтай байлаа. 

Гүйцэтгэгч компанийн удирдлагийн зүгээс төлөвлөгөөний дагуу ирэх сарын 15-ны өдөрт багтааж ЗЦГ-аас Хоме плаза руу чиглэсэн хоёр талын хөдөлгөөнийг эхний хэсгийг нээнэ гэдгээ илэрхийллээ. 

Дашрамд дурдахад Замын цагдаагийн гүүрэн гарцын барилгын ажлын гүйцэтгэгчээр Хятадын төмөр замын "20 дугаар товчоо" групп, зөвлөхөөр "Ростов" ХХК ажиллаж байна.  Гүүр 1170 метр, авто зам нь 2540 метр урттай дөрвөн эгнээ байх юм. 

Эх сурвалж: Нийслэлийн ЗДТГ-ын Хэвлэл мэдээлэлтэй харилцах хэлтэс