ОХУ-ын Ерөнхийлөгч В.Путин энэ сарын  3-нд манай улсад албан ёсны айлчлал хийх гэж байна. Түүний энэ удаагийн айлчлал Халхын голын ялалтын 80 жилийн ойн баярын арга хэмжээний хүрээнд болж байгаагаараа онцлог юм.  

Айлчлалтай холбогдуулан Тээврийн цагдаагийн газраас маргааш, нөгөөдөр дараах замуудыг хэсэгчилж хаахаар болжээ. Үүнд:  

• Наадамчдын гудамж,  

• Энхтайваны өргөн чөлөө,  

• Чингисийн өргөн чөлөө,  

• Уулын зам,  

• Амарын гудамж,  

• Сүхбаатарын гудамж,  

• Жуулчины гудамж,  

• Залуучуудын гудамж зэрэг замууд маргааш үдээс хойш буюу 14.00 цагаас эхэлж нөгөөдөр буюу 03-ны орой 20.00 цаг хүртэлх хугацаанд хэсэгчилж бүрэн хаана.  

Иймд иргэд замын ачааллыг бодолцон ажлаа зохицуулах, хөдөлгөөнд хүлээцтэй, хүндэтгэлтэй оролцохыг зөвлөж байна.