Их аварга Хакүхо Даваажаргал өнгөрсөн дөрөвдүгээр сард Монгол улсын иргэншлээсээ татгалзах хүсэлт гаргасныг өнгөрөгч зургадугаар сард Монгол Улсын Ерөнхийлөгч Х.Баттулга хүлээн авсан. Харин аваргын иргэншлийн талаар NKH агентлаг ийн мэдээллээ. Уг нийтлэлд: 

Ёкозүнагийн их аварга Хакүхо Даваажаргал Япон улсын иргэн болсноо өчигдөр албан ёсоор зарлаж, нэрээ  Шо Хакухо  болгон өөрчиллөө.

Сэтгүүлчдийн асуултанд тэрээр “Би Япон улсад 15 настайдаа ирж байв. Энд буй минь сумогийн спортод зориулсан 18 жилийн хичээл зүтгэл” гэж хариулжээ.

Монгол иргэншлээ орхисон шийдвэрийнхээ талаар Хакүхо “Би өнөөдрийг хүртэл Монголыг нэг мөрөндөө тээсээр ирсэн. Япон улсыг Монгол орон шигээ хайрлах болно. Мөн Япон хүмүүсийг ч өөрийн эцэг, эх, ах дүү шигээ хайрлана” гэв.

Мөн тэрбээр сумогийн хүчирхэг тамирчид болон Японы сумо бөхийн холбоо, фэнүүддээ талархаж явдгаа илэрхийлжээ.

Хакухо цааш ярихдаа "Ирэх намрын башёд Япон хүнийхээ хувьд өөрийгөө ичгэвтэр байдалд оруулахгүй" гэдгээ мөн мэдэгдсэн байна. 

Эх сурвалж: NKH WORLD