АНЭУ-ын угсаа залгамжлах ханхүү, Дубайн Гүйцэтгэх зөвлөлийн дарга Шейх Хамдан бин Мухаммед бин Рашид Аль-Мактум манай улсад хоёр дахь удаагаа аяллын журмаар айлчилж байгаа билээ. Тус улсын дэд ерөнхийлөгч, Ерөнхий сайд, Дубайн захирагч Аль-Мактумийн гэр бүл 5 тэрбум ам.долларын хөрөнгөтэй, дэлхийн тав дахь баян язгууртан юм. Ханхүү Шейх Хамдан гэхэд 1 тэрбум ам.долларын, Мухаммед бин Рашид Аль-Мактумын гэр бүл залуу үеийн боловсролыг дэмжих сандаа 10 тэрбум ам.долларын тус тус хөрөнгөтэй ажээ.

Дубайн царайлаг, мэдлэг боловсрол өндөртэй ханхүүгийн талаар сонирхолтой 10 баримтыг өгүүлье:

1.Хувийн амьдрал

Шейх Хамдан бин Мухаммед бин Рашид Аль-Мактум нь АНЭУ-ын дэд ерөнхийлөгч, Ерөнхий сайд, Дубайн захирагч Шейх Мухаммед бин Рашид аль Мактум болон Шейка Хид Бин Мактум бин Жума Аль Мактум  нарын 12 хүүхдийн хоёр дахь нь  болж 1982 оны 11.14-ний өдөр мэндэлсэн. Тэрбээр нгөрсөн тавдугаар сарын 15-нд 36 насандаа Шейха бинт Сае бин Тани Аль Мактумтай хуримласан юм.

2.Боловсрол

Тэрбээр Дубайн язгууртан хөвгүүдийн сургууль болох Рашид сургуулийг төгсөж, Их Британийн  Сэндхоурст дэх Эзэн хааны батлан хамгаалахын академийг 2001 онд төгссөн. Үүний дараа Лондонгийн их сургуульд эдийн засагч мэргэжил эзэмшсэн.

3.Карьер

Ханхүү Хамдан нь 2006 оноос хойш Дубайн Гүйцэтгэх зөвлөлийн даргаар сонгогдон ажиллаж байна. 2008 оноос Дубайн угсаа залгамжлах ханхүүгээр сонгогдсон. Мөн залуу энтрепрёнерүүдийг дэмжих, Дубайн спортын хороо, Аутизмын төвийн тэргүүний албыг хашдаг.

4. Шаггүй сайн шүлэгч

Ханхүү аавынхаа авьяасыг өвлөсөн бөгөөд “Fazza” гэх уран бүтээлийн нэрээрээ цахим орчинд танигдсан юм. Түүний яруу найргийн гол сэдэв бол хайр сэтгэл, эх оронч үзэл. Fazza гэдэг нь “Сайн үйлс түгээгч, буян үйлдэгч” гэсэн утгатай. Набатти шүлэгчдийг Эмират аялгаар ерөнхийд нь ингэж нэрийддэг. Тэрбээр заримд шүлгээ цахим орчинд хуваалцдаг. Түүний олон шүлэг нь дуу болон амилжээ.

5. Гэр бүлсэг ханхүү 

Шейх Хамдан нь хүүхдэд их элгэмсэг нэгэн. Тэрбээр ах, эгч нарынхаа хүүхдүүдэд цаг гарган тоглож, хамт зугаалж, эрхлүүлдэг хайртай авга ах нь юм. Инстаграм хаягтаа бяцхан үеэлүүдтэйгээ авахуулсан зургаараа гангарах дуртай.

6. Сошиал медиад идэвхтэн

Ханхүү Хамданыг үе үеийн язгууртнуудтай харьцуулбал өдөр тутмын амьдралаа олонд нээлттэй байдаг. Инстаграм сувгийн идэвхтэй хэрэглэгч бөгөөд 8.4 сая дагагчтай. Түүнийг моринд хайртай, спорт, аялал, фото зургийн хорхойтон болохыг постуудаас нь мэдэж болно. Гэвч хуримын болон бал сарын тэр ч бүү хэл эхнэрийнхээ зургийг олон нийтэд дэлгэж байгаагүй. Мөн твиттер сүлжээнд 3.9 сая дагагчтай. Эгэл ардын амьдрал буцалсан гудамжаар явж, худалдааны төв, ресторануудаар үйлчлүүлж, хотын иргэдтэй яриа өрнүүлдэг. Үүнийгээ ч сошиал хуудсууддаа чөлөөтэй хуваалцдаг.

8. Авьяаслаг гэрэл зурагчин

Зураг авах нарийн мэдрэмжтэй гэдгийг инстаграм дахь зургууд нь илтгэнэ. Түүнчлэн 2011 оноос хойш гэр бүлийнхээ нэрэмжит гэрэл зурагчдын олон улсын тэмцээн зохион байгуулж, шилдэг бүтээлүүдийг шалгаруулж эхэлсэн. Энэ нь гэрэл зурагчдын чансааг сорих томоохон уралдааны нэгд зүй ёсоор орно. Жил бүр тодорхой сэдвийн хүрээнд  гэрэл зурагчид бүтээлээ ирүүлдэг ба шагналын сан нь 400 мянган ам.доллар. Эхний жилдээ “Эх дэлхийн хайр” сэдэвтэй зохиогдсон уг уралдаан, өнгөрсөн жил “Итгэл найдвар” сэдвийн хүрээнд зохиогдсон бол энэ жилийн хувьд “Ус” сэдвийн дор шилдэг үргэлжилж буй.  

9. Спортын хорхойтон

Тэрбээр ажлын бус цагаа спортын олон төрлөөр хичээллэхэд зориулдаг. Нэн ялангуяа экстрим төрлийн спортуудаар хичээллэх хоббиттой нэгэн. Ялангуяа морь унах чадварыг багаасаа гаргууд эзэмшсэн. Түүгээр ч зогсохгүй шаггүй сайн шүхэрчин, уулчин, шумбагч, тэшүүрчин. Дубайчуудыг эрүүл амьдралын хэв маягт уриалан өдөр болгон 30 минут гүйж, дасгал хийж буй зургаа өөрийн хуудсууддаа дэлгэдэг.

10. Амьтанд хайртай нэгэн

Ханхүү Хамдан нь байгаль хийгээд амьтанд элэгтэй. Түүнийг нт болохыг инстаграмд хуваалцсан морь, нохой, сармагчин, анааш, бугын илий болон гүюг, бамбартай авахуулсан зургуудаас илхэн харж болно. Эдгээр амьтнаас моринд илүү хайртай гэнэ. Морь унахдаа гаргууд ханхүү бүс нутгийн болон олон улсын олон  уралдаанд түрүүлж байжээ.

Эх сурвалж:

hamdan.ae

thenational.ae

https://www.instagram.com/faz3/